Радий Хәбиров: “Иран белән мөнәсәбәтләрне ныгытырга вакыт җитте”

“Радий Фәрит улы, Иран Ислам Республикасы белән Башкортстан Республикасы арасындагы мөнәсәбәтләрне бүгенге көндә Сез ничек бәялисез? Алга таба нәрсәгә омтылачаксыз?” – дип сорадылар.- Иран Ислам Республикасы белән Русия Федерациясенең мөнәсәбәтләре бай тарихка ия. Башкортстан белән Иран хезмәттәшлеге кебек үк. Хәзер безгә мөнәсәбәтләрне көчәйтергә һәм активлаштырырга кирәк булган чор җитте. Моның өчен кирәкле барлык шартлар да бар. Без соңгы елларда Иранның ничек үсүенә, технологияләр, сәнәгать, авыл хуҗалыгы үсешендә нинди уңышлы адымнар ясавына сокланып карыйбыз. Башкортстан һәм Иран икътисады структурасы күп яктан охшаш. Әмма шул ук вакытта безнең хезмәттәшлекне тулыландыра ала торган үсеш юнәлешләре дә күп, - диде Радий Хәбиров.“Мусави әфәнде, үзегез өчен нинди перспектив юнәлешләрне билгеләп идегез? Русиянең төрле төбәкләреннән вәкилләр килде, әмма Башкортстан икътисад менталитетының һәм структурасының охшашлыгы белән аерыламы?” – дигән сорау бирелде- Башкортстан Республикасында су ресурслары күп. Бу хезмәттәшлекнең авыл хуҗалыгы юнәлешләрен үстерүгә ярдәм итәчәк. Сүз Башкортстаннан төрле үсемлек майлары, бодай, кукуруз сатып алу турында бара. Шулай ук сезнең төбәк нефть-газ сәнәгате технологияләренә бай. Без икътисадның барлык секторларында мөнәсәбәтләрнең продуктив үсешенә ышанабыз, - диде Мөхәммәд Мусави.- Берничә ел элек без Башкортстан белән хезмәттәшлек турында меморандумга кул куйдык. Безгә әлеге документның икътисад, авыл хуҗалыгы һәм сәнәгать өлкәсендәге пунктларын актуальләштерергә кирәк булачак. Бу юнәлешләрдә без Башкортстан белән мөнәсәбәтләребезне актив үстерә алабыз, - диде Меркези провинциясе губернаторы Фәрзад Мохлес Әл-Аэме.Фото: glavarb.ru