Анда Башкортстанның «Беларус» маркалы 200 трактор, «Полесье»дан 100 ашлык җыю комбайны, 25 мал азыгы җыю комбайны һәм агымдагы елда Белоруссиядә җитештерелгән 100 берәмлек башка авыл хуҗалыгы техникасы сатып алырга планлаштыруы билгеле булды.Андрей Назаров утырышта катнашучыларны сәламләде һәм төбәктә Башкортстан һәм Белоруссия хезмәттәшлеген үстерү буенча башкарылган эшләр турында сөйләде.- Без «Амкодор» компаниясе белән уртак проектларны тормышка ашыруда җитди алга киттек һәм ашлык җыюдан соң эшкәртү өчен җиһазлар җитештерү буенча компания заводы төзелешен тәмамлыйбыз. Аны эшләтеп җибәрү Русия һәм Белоруссия төбәкләренең X форумының төп чараларының берсе булачак. Коммуналь техника җитештерү буенча «Амкадор» компаниясенең икенче заводын төзү максатында офсет контракты төзүгә әзерлек алып барабыз. Коммуналь техника номенклатурасы һәм аның сатып алу күләме билгеләнгән. Контракт бәясе 3 млрд. сум тәшкил итәчәк, - дип билгеләп үтте Андрей Назаров.Премьер-министрның беренче урынбасары, икътисади үсеш һәм инвестицион сәясәт министры Рөстәм Моратов Башкортстан һәм Белоруссиянең пилотсыз авиацияне үстерү, сәүдә, спорт, сәнәгать һәм авыл хуҗалыгы техникасын сатып алу өлкәсендәге хезмәттәшлеге турында сөйләде.Аерым алганда, Рөстәм Моратов сүзләренчә, Башкортстанда белорус продуктлары кибетләрен ачу, пилотсыз авиация системаларын бергәләп җитештерү, республика спортчыларының Башкортстан һәм Белоруссия территориясендә ярышларда катнашуы буенча актив эш алып барыла. Төбәктә белорус тракторларына, ашлык җыю техникасына, йөк самосвалына ихтыяҗ зур. Моннан тыш, Башкортстанда зубрлар үрчетү өстендә актив эш бара.Утырышның рәисе булып Беларусь Республикасы ягыннан «Белнефтехим» концерны рәисе, эшче төркемнең белорус өлеше җитәкчесе Андрей Рыбаков чыгыш ясады. Утырыш эшендә, шулай ук, министрлар һәм профильле ведомстволар җитәкчеләре, Башкортстан һәм Белоруссия предприятиеләре вәкилләре катнашты.Яклар авыл хуҗалыгы техникасы сатып алу өлешендә Башкортстан һәм Белоруссиянең тыгыз хезмәттәшлеге турында фикер алышты.Утырыш кысаларында Уфа шәһәрендә трамвай хәрәкәтләнүче составын модернизацияләү, урман хуҗалыгы, җиңел сәнәгать өлкәсендә хезмәттәшлек итү, Башкортстан территориясендә сөт-товарчылык фермаларын төзү, башка проектларны гамәлгә ашыру мәсьәләләре тикшерелде.