Русия Мәгариф министрлыгы академиясенең сыйныф җитәкчелеге (кураторлык) өлкәсендә иң яхшы практикалар марафоны дәвам итә. Сыйныф җитәкчеләре форумының өченче күчмә сессиясе 21 мартта Самара өлкәсе Мәгарифне үстерү институты базасында узды. Ул Идел буе федераль округының сыйныф җитәкчеләрен һәм кураторларын берләштерде. Чарада 200дән артык педагог катнашты, тагын 4000гә якын сыйныф җитәкчесе һәм куратор онлайн тоташты.Русия Мәгариф министрлыгы академиясе ректоры Павел Кузьмин, академия вәкилләре сыйныф җитәкчеләре өчен актуаль яңалыклар турында сөйләде. Семинарда катнашучыларга шулай ук берничә мөһим федераль проект тәкъдим ителде, алар арасында – сыйныф җитәкчеләре форумы, директорларның тәрбия эшләре буенча киңәшчеләре институты, Русия балалар һәм яшьләренең “Движение первых” хәрәкәте.Киңәшләшергә дә, тәҗрибә уртаклашырга да вакыт бар иде. Секция мәйданчыкларында Идел буе федераль округының сыйныф җитәкчеләре һәм кураторлары актуаль юнәлешләр буенча нәтиҗәле педагогик практикалар белән бүлештеләр.Форумда катнашучыларның берсе, якташыбыз — Инвалид балаларга дистанцион белем бирү республика үзәгенең башлангыч сыйныфлар укытучысы Зимфира Йосыпова. Ул, сыйныф җитәкчеләре форумы - яңа белем алырга һәм профессиональ яктан үсәргә, тәҗрибә уртаклашырга һәм үз-үзеңне аңларга ярдәм итүче мәйданчык, дип билгеләп үтте.Сыйныф җитәкчелеге өлкәсендә иң яхшы практикалар марафонында катнашучылар эстафетаны Төньяк-көнбатыш округка тапшырды. Сыйныф җитәкчеләре һәм кураторларының киләсе күчмә сессияләре 25-26 мартта Санкт-Петербургта һәм 30 мартта Екатеринбургта узачак.