– Без Сезнең белән, Сезнең карарыгыз һәм хәрби операция барышында үзегезне батырларча тотуыгыз белән горурланабыз, — диде Константин Толкачев. — Офицер званиесе булуга карамастан, сез Артемовск (Бахмут) янындагы алгы позициядә укчы вазыйфасында хезмәт иттегез, иң кызу ноктада армия хезмәтенең барлык авырлыкларын кичердегез. Дәүләт җыелышы-Корылтай Рәисе билгеләп үтүенчә, республика парламенты адресына “БАРС” подразделениесе командирыннан характеристика килгән, анда депутатны дәүләт бүләгенә тәкъдим итү турында әйтелә. Документта, Булат Юмадилов үзен хәрби бурычларын гомере һәм сәламәтлеге өчен куркыныч туган шартларда үти алырлык кыю һәм намуслы, ихтыярлы һәм тәртипле сугышчы буларак танытты, дип билгеләнә. “Отряд составында берничә тапкыр хәрби операцияләрдә катнашты, сугышларда батырлык һәм героизм күрсәтте. Үзенең һөнәри осталыгын арттыру өстендә даими эшли, “БАРС” отряды командованиесеннән берничә Рәхмәт хаты алды. Коллективта лаеклы рәвештә абруй белән файдалана”, — диелә характеристикада. Булат Юмадилов коллегаларына һәм хәрбиләргә ярдәм күрсәтүче битараф булмаган барлык кешеләргә рәхмәт белдерде. — Автомобиль һәм экипировка өчен рәхмәт, без Ватанны саклаучылар көне алдыннан Дәүләт җыелышы-Корылтай депутатларыннан гуманитар йөк: “УАЗ” автомобиле, запас частьләр, хәрби кием комплектлары, термобелье, медикаментлар, азык-төлек алдык. Бу көтелмәгән һәм бик күңелле хәл булды. Бөтен батальон исеменнән рәхмәт белдерәсем килә. Барлык әйберләр дә ихтыяҗларга карап бүленгән. Автомобиль, шулай ук, бик кирәкле булды, даими файдаланыла һәм әле дә алгы сызыкта. Дәүләт җыелышы-Корылтай Рәисе Булат Юмадиловны парламентның киләсе утырышында чыгыш ясарга, депутатларның сорауларына җавап бирергә чакырды.Константин Толкачев билгеләп үтүенчә, хәзерге вакытта махсус хәрби операциядә республиканың төрле дәрәҗәдәге 30дан артык депутаты катнаша.