Моңлы да син, әй, азаным!

Азан... Дүрт кенә хәрефтән торган нинди матур сүз! Ә нәрсә соң ул? Бу хакта чараны алып баручы Рита Зәйдуллина белән бәйге башлар алдыннан сүз алган имам Илдар Галиев бик тәэсирле итеп аңлаттылар. Азан намаз вакыты җиткәч әйтелә. Беренчедән ул намазга чакыру булса, икенчедән, әлбәттә, Ал­лаһ Тәгаләбезне зурлау. Ул кө-ненә биш тапкыр намаз санынча әйтелә, гарәп­чәдән белде­рү, белгертү дигәнне аңлата. Аны әйтүчене мөәзин, диләр. Илдар хәзрәт сүзләренчә, 130 ел элек ачылган бу мәдрәсәне кире тарихи мәчеткә кайтаруга ирешү, бинасының ремонт-­ланып, яңартылып, инде менә өч ел шәкертләргә дини гый­лем бирә алу – зур бәхет. Ул чакта да ата-бабаларыбыз белем алырга омтылган, һәм бүген бала­ларның алар үрнәгендә Аллаһ кануннары буенча яшәргә омтылуы – зур сөенеч. Малайларның әлеге бәйгедә күңелгә ятышлы, матур итеп азан әйтүе сокландырды да, киләчәк буынның иманлы, әхлакый сәламәт булып үсүенә ышанычны да арттырды. Бәйге өч яшь категориясендә узды. Катнашучылар азанның һәр сүзен аңлап, дөрес, чиста итеп әйтергә, моңлы тавыш белән тыңлаучылар күңеленә җиткерергә тырышты. “Азан әйтү шартларын җи-ренә җиткереп башкарган ма-лайларның һәрберсенә беренче урын бирергә була”, – диде, йомгак ясаганда жюри рәисе Илдар хәзрәт.Ә урыннар түбәндәгечә бүленде. 7-9 яшьлекләр арасында: 3нче урынны – Раян Андреев, 2нче урынны – Дамир Данилов һәм беренче урынны Али Амонов яуладылар. 12-16 яшьлекләр арасында: 3нче урын – Артур Андреевка, 2нче урын– Данияр Даниловка, 1нче урын Камил Андреевка бирелде. 13-16 яшь-лек­­ләр арасында 3нче урынга –Урал Цоев, 2нчегә – Әбделәхәт Галиәхмәтов, беренче урынга Әмир Кадыйров лаек дип табылды. Өлкәннәрнең дә ягымлы тавыш белән азан әйтүе бик тәэ­сирле һәм үзенә күрә осталык дәресе булды. Призлы урыннар яулаган азанчылар дипломнар, китаплар белән бүләкләнде, чыгыш ясаган беркем дә бүләксез калмады. Чараны йомгаклау сүзендә Илдар хәзрәт әти-әниләргә, укытучыларга, бер-беребезгә карата ихтирамлы булырга, шөкер итә, булганның кадерен белергә чакырды. Ата-аналар чараны оештыручыларның һәммәсенә чиксез рәхмәт белдерде. Шәһәр өсләрендә азантавышы! –Тыңла, дөнья, тыңла тынкалып.Азан тавышында күпмемәгънә,Әй кардәшем, кал син гамьалып.Аллааһү әкбәр! – бер Аллабызбөек –Ишетеп кал моңлы азанны.Азан нурларына коенып кынаУкы әйдә, укы намазны!Чын күңелдән мөәзин азанәйтәМанарадан кыйблатурыннан.Күзгә яшьләр киләирексездән,Җан сафлана азан нурыннан.Манарадан яңгырый азантавышы,Элеккечә, матур мәкамле.Хәтер дәфтәрендәҗуелмасын,Йөрәгемә мандым каләмне...Зәйфә Салихова.Бәләбәй шәһәре.