«Урал ит компаниясе» генеральный директоры Ринат Зәйнуллин Уфа районында «Таврос Агропарк» агросәнәгать паркын булдыру проектын тәкъдим итте. Сүз авыл хуҗалыгы продукциясен эшкәртү өлкәсендә булачак резидентлар өчен махсус мәйданчык булдыру турында бара. Моның өчен Подымалово авылы янындагы территориядә җитештерү, логистика һәм инженерлык инфраструктурасын төзергә планлаштыралар. Инвестицияләрнең гомум күләме - 10 млрд. сум.Ярдәм чаралары буларак, инвестпроект салым ташламалары һәм инфраструктура булдыру чыгымнарының бер өлешен каплау белән өстенлекле статуска ия булды. Барлык документларны килештергәннән һәм җир кишәрлеген рәсмиләштергәннән соң төзүчеләр монтаж эшләрен башлаячак. Уфа районы хакимияте участокны рәсмиләштерүдә ярдәм күрсәтәчәк.- Мондый зур комплекслы проектларга бик җаваплы карарга кирәк. Агымдагы елның июнендә инвесторлар төзелешне башларга тиеш, – дип белдерде Радий Хәбиров.Эшкуарлар Марина һәм Ксения Сидоркиналар "Пекарня №1" компанияләр төркеме базасында Уфада һәм Уфа районында кондитерлык эшләнмәләре һәм ит ярымфабрикатлары җитештерү проекты турында сөйләде. Яңа проект кысаларында эшкуарлар Уфа районының 8 Март бистәсендә ит эшкәртү цехы һәм гастромаркет төзергә, шулай ук яңа кибетләр эшләтеп җибәрергә планлаштыра. Инвестицияләрнең гомум күләме - 166 млн. сум. Производстволарда һәм ритейлда 45 эш урыны булдырылачак.Фикер алышу нәтиҗәләре буенча проект өстенлекле статуска ия булды. Инвесторларга шулай ук технологик җиһазлар сатып алу чыгымнарының бер өлешен каплаячаклар.Республиканың сәүдә һәм хезмәтләр күрсәтү министры Алексей Гусев бу өлкәгә кагылышлы ике проект тәкъдим итте. Сүз Туймазы районында "М-5" Урал трассасында (инвестор - "Крокус" компаниясе), шулай ук Уфа районында "Р-240" Уфа - Ырынбур автоюлында (инвестор - "Прото-центр" компаниясе) күпфункцияле юл яны комплекслары төзү турында бара. Ике объект буенча инвестицияләрнең гомум күләме - 135 млн. сум.Инвестиция комитеты тәкъдим ителгән башлангычларны хуплады. Муниципалитет хакимиятләренә инвесторларга юл буендагы комплекслар төзү өчен җир кишәрлекләрен рәсмиләштерүдә ярдәм күрсәтергә кушылды.Фото: Башкортстан Башлыгы