Կապան-Նորաշենիկ ավտոճանապարհին այսօր ժամը 14:21-ին Սյունիքի մարզային ճգնաժամային կառավարման կենտրոն ահազանգ է ստացվել, որ Կապան-Նորաշենիկ ավտոճանապարհին տեղի է ունեցել ՃՏՊ՝ ավտոբուսը շրջվել է ձորը, անհրաժեշտ է փրկարարների օգնությունը։
Դեպքի վայր են մեկնել ՆԳՆ ՓԾ մարզային փրկարարական վարչության օպերատիվ խումբը և հրշեջ-փրկարարական ջոկատից մեկ մարտական հաշվարկ։ Նախնական տվյալներով կա 21 տուժած։
Սյունիքի մարզպետը ԶԼՄ-ների հետ զրույցում հայտնել է 1 զոհի մասին, սակայն Ոստիկանությունից Armenia Today-ի հետ զրույցում լուրը չհաստատեցին: