Կրեմլը բացասաբար է վերաբերվում լրագրող Արամ Գաբրելյանովի և ռուսաստանյան այլ լրատվամիջոցների մենեջերների Հայաստան մուտքի արգելքին, լրագրողներին ասել է ՌԴ նախագահի մամուլի խոսնակ Դմիտրի Պեսկովը, փոխանցում է РИА Новости-ն։
«Անկեղծ ասած, մենք բացասաբար ենք վերաբերվում դրան։ Հայաստանը մեր մեծ բարեկամն է, դաշնակիցը, ռազմավարական գործընկերը: Եվ, իհարկե, երկկողմ հարաբերությունների մակարդակն ու բնույթը մեզ պարտավորեցնում է պաշտպանել մեր երկկողմ հարաբերությունները նման դեպքերից։ Հուսով ենք, որ տեսանելի ապագայում մեր երկկողմ հարաբերությունները զերծ կլինեն նման դեպքերից»,- ասել է Պեսկովը։
Ռուս լրագրող և հրատարակիչ, «Նյուզ Մեդիա» հոլդինգի հիմնադիր Արամ Գաբրիելյանովի մուտքը Հայաստան արգելվել է։ Մարտի 7-ին Գաբրիելյանովը պետք է դասախոսություն կարդար ՀՀ երկրորդ նախագահ Վիկտոր Սողոմոնյանի գրասենյակի ղեկավար Վիկտոր Սողոմոնյանի կազմակերպած լրագրության դասընթացին։
Ավելի վաղ հաղորդվել էր, որ Ազգային ժողովի ղեկավարությունը հայտարարել է, որ անցանկալի է Պետդումայի ԱՊՀ հարցերով հանձնաժողովի նախագահի առաջին տեղակալ Կոնստանտին Զատուլինի մուտքը Հայաստան։ Արգելվել է նաև RT հեռուստաալիքի և «Россия Сегодня МИА»-ի գլխավոր խմբագիր Մարգարիտա Սիմոնյանի մուտքը Հայաստան։