Атмосфера һавасы динамик мохит, аның сыйфаты билгеле бер һава шартларында бик тиз үзгәрергә мөмкин, шуңа күрә атмосфера һавасының пычрануы турында ышанычлы мәгълүмат алу өчен торак зонада автоматлаштырылган постлар челтәре һәм эре предприятиеләрнең санитар-күзәтү зоналары чигендә булу кирәк. Бу хакта Башкортстан Экология министрлыгының дәүләт аналитик контроле идарәсе директоры Валентина Сафарова БСТ телеканалында брифингта сөйләде.- Атмосфера һавасын мониторинглау тәүлек әйләнәсендә һәр 20 минут саен автоматлаштырылган контроль станцияләре, шулай ук халыкның күпсанлы шикаятьләре килгәндә күчмә экологик лабораторияләр ярдәмендә башкарыла. Салават һәм Стәрлетамак шәһәрләрендә һавада зарарлы матдәләрнең рөхсәт ителгән чик концентрациясеннән артып китүе вакыт-вакыт теркәлә. Әмма бу хәл, нигездә, уңайсыз метеошартлар чорында була, андый чакларда предприятиеләр чыгарган матдәләр атмосфера һавасында туплана. Артыклык ачыкланганда, мәгълүмат башта - Башкортстан Республикасы Табигатьтән файдал