Башкортстан волонтерлары Донбасс халкына ничек ярдәм итә ала?

Программа волонтерлык эшчәнлегенә ярдәм итүгә һәм Донецк Халык Республикасы, Луганск Халык Республикасы, Запорожье һәм Херсон өлкәләре халкына һәм социаль әһәмияткә ия оешмаларга ярдәм итүгә юнәлтелгән. Программада тәҗрибәле волонтер да, Русиядән конкрет һөнәрдә белгеч дә катнаша ала. Һәр гуманитар миссия ике атна дәвам итә. Мартта җыелганнар медицина һәм балаларга һәм яшүсмерләргә психологик ярдәм күрсәтү миссиясенә бара.- Безнең ярдәм Донбасста территорияләрне һәм тыныч тормышны тергезү өчен кирәк. Чын күңелдән ярдәм итәргә, белгәне белән уртаклашырга теләүче кешеләр волонтерга әверелә. Программада катнашу өчен ике шарт бар: Русия Федерациясе гражданлыгы һәм яше 18дән ким булмау. Өстәмә рәвештә заявканы караганда оештыручылар конкрет һөнәри өлкәдә расланган волонтерлык тәҗрибәсен, стажын исәпкә ала. Бик мөһим юнәлеш - Бөек Ватан сугышы ветераннарына һәм аларның гаиләләренә адреслы ярдәм итү.Февральдә Дондагы Ростовта без #МЫВМЕСТЕ проектының төбәк штаблары җитәкчеләре өчен укулар уздык, анда эш механизмнары турында фикер алыштык. Республиканың барлык шәһәрләрендә һәм районнарында муниципаль штаблар эшли, анда волонтерлар консультация бирә, йорт һәм хуҗалык буенча булыша, психологик, юридик ярдәм күрсәтә, - дип сөйләде Башкортстан Республикасының Яшьләр сәясәте буенча дәүләт комитеты рәисе Яна Гайдук.Миссиядә катнашу өчен добро.рф сайтында гариза бирергә кирәк, шуннан соң Волонтерлар үзәкләре ассоциациясе, Русия Кызыл Хачы, «Русская Гуманитарная Миссия» һәм «Волонтеры-медики» Бөтенрусия иҗтимагый хәрәкәте белгечләре тарафыннан эшләнгән махсус онлайн-курс, шулай ук тестлар һәм шәхси әңгәмәләр узарга кирәк. Сайлап алуны узган волонтерлар килешү төзи һәм #МЫВМЕСТЕ штаб базасында көндезге укулар уза.Былтыр хәрәкәт активистлары Донбасс белән #МЫВМЕСТЕ ЛХР һәм ДХРга 118 гуманитар миссия җибәргән. Волонтерлык вакансияләренә бөтен Русиядән 5 700дән артык кеше заявка биргән.Фото: bashinform.ru