Աննա Վինտուրի անվան տարազի ինստիտուտի ամենամյա Met Gala 2023 ցուցադրությունն այս տարի կարող է կայանալ առանց Քարդաշյան-Ջեններ ընտանիքի մասնակցության։ Հաղորդում է Page Six-ը։
Ինսայդերները հայտնել են, որ ամերիկյան Vogue-ի գլխավոր խմբագիր Աննա Վինտուրը, որը կազմում է Met Gala 2023-ի հյուրերի ցուցակը, դրանում չի ներառել Քարդաշյան-Ջեններ քույրերից և ոչ մեկին։ Page Six-ը մեկնաբանության համար դիմել է Vogue-ին, սակայն պատասխան չի ստացել:
2022 թվականին Քարդաշյան-Ջեններ քույրերն առանց բացառության հրավիրվել էին Met Gala-ին։ Մետրոպոլիտեն արվեստի թանգարանում հանրահայտ ընտանիքի ներկայացուցիչները հայտնվել էին ամբողջ կազմով՝ Քիմից մինչև Քլոե և Քորթնի։
Met Gala-ն գումար հավաքելու խոշորագույն բարեգործական միջոցառում է, որը ծառայում է որպես ինստիտուտի ամենամյա նորաձևության ցուցադրության բացման տոն։ Աննա Վինտուրը 1995 թվականից ղեկավարում է ինչպես բարեգործական կոմիտեն, այնպես էլ հրավիրյալների ցուցակը, իսկ Vogue-ի աշխատակիցներն օգնում են կազմել հրավիրյալների ցուցակը։