Հայաստանում պատրաստվում են արգելել ավելի քան 50 միկրոն հաստությամբ պոլիէթիլենային տոպրակների, ինչպես նաև սննդամթերքի փաթեթավորման համար նախատեսված մեկանգամյա օգտագործման պլաստիկ տարաների և սպասքի վաճառքը։ Օրենքի այս նախագիծը ներկայացվել է հանրային քննարկման՝ իրավական ակտերի միասնական e-draft պորտալում։
Ըստ նախագծի՝ օրենքն ուժի մեջ կմտնի 2024 թվականի հունվարի 1-ին։
Նշենք, որ Հայաստանում 2022 թվականի հունվարի 1-ից արդեն իսկ գործում է 50 միկրոնից բարակ տոպրակների վաճառքի արգելքը։ Արգելքը խախտելու համար տուգանքը կազմում է 30 000 դրամ։
Մեկանգամյա պոլիէթիլենային տոպրակների և սպասքի, խահանոցային ու կենցաղային պարագաների լայն կիրառումը Հայաստանում հանգեցրել է բնապահպանական խնդիրների: Պոլիէթիլենային տոպրակների ու մեկանգամյա օգտագործման պլաստիկ սպասքի օգտագործման ժամանակահատվածը շատ կարճ է, իսկ բնության մեջ դրա քայքայման համար անհրաժեշտ է ավելի քան 100-400 տարի: Oգտագործված պոլիէթիլենային փաթեթներով, մեկանգամյա օգտագործման պլաստիկ այլ արտադրանքով ու դրանց մնացորդներով աղտոտված են Հայաստանի Հանրապետության ջրային տարածքները, հանգստավայրերին և զբոսաշրջության վայրերը: