Тәтешле районының Аксәет авылы мәктәбе каршындагы "Үсеш ноктасы" үзәгендә “Мәгариф” гомумдәүләт проектының “Заманча мәктәп” федераль проекты кысаларында оештырылган “Ферментлар һәм аш эшкәртү” дигән гадәти булмаган дәрес узды. Мәктәп укучылары алдында ферментларның азык кисәкчәләренә ничек тәэсир итүен эксперименталь рәвештә ачыклау бурычы куелды. Моның өчен балалар алдан бәйләү материалыннан крахмалланган салфеткалар әзерләгәннәр, чөнки ризыкның төп өлеше - углеводлар, ә крахмал үзе - катлаулы углевод. "Үсеш ноктасы" лаборатория җиһазларын кулланып, укучылар кызыклы эксперимент үткәрде һәм крахмал продуктның ферментланган төкерек матдәләре белән таркалуын исбатлады.Мәгариф үзәге педагогы Илиза Әхмәтова фикеренчә, мондый дәрестән тыш чаралар укучыларның шәхесен формалаштыру өчен зур әһәмияткә ия, материалны үзләштерүнең нәтиҗәлелеген арттыра, экологик һәм биологик күренешләргә һәм объектларга кызыксынуны үстерә. Эксперименталь процесста тикшеренү күнекмәләре генә түгел, ә укучының шәхес сыйфатлары да формалаша, алар фәннәрне алга таба өйрәтүдә кирәк булачак. “Балачактан ук "лаборант" булып уйнарга ярата идем. Мин һәрвакыт чын лаборатория җиһазларын тотып, нәрсәдер өйрәнергә теләдем. Һәм менә, ярты ел “Үсеш ноктасы”ндагы “Яшел лаборатория” дә шөгыльләнәм. Бу чыннан да кызыклы. Үзеңне чын галим кебек хис итәсең. Яңа нәрсәне өйрәнү һәм нәтиҗәләр алу — профессиональ һәм шәхси тормышта кирәкле мәсьәләләрне хәл итүдә кулланыла торган теоретик һәм практик мәгълүмат алу дигән сүз”, — ди 9нчы сыйныф укучысы Таисия Червякова. Фото: contenta.info