Այսօրվա դրությամբ Հայաստանում կարմրուկի լաբորատոր հաստատված դեպքերի թիվն ավելացել է՝ հասելնով 43-ի։ Այս մասին հայտնում են Առողջապահության նախարարությունից:
Նախարարությունից հայտնում են, որ 43-ից 17-ը հոսպիտալացված է, 15-ը չի հոսպիտալացվել, 11-ը՝ դուրս է գրվել: «Հիվանդների առողջական վիճակը գնահատվում է միջին ծանրության, 2-ինը՝ ծանր: Վարակվածներից 40-ը պատվաստված չէ, 3-ը պատվաստված է մեկ դեղաչափով»,-ընդգծել են նախարարությունում:
Նախարարությունից հիշեցնենում են, որ պատվաստումների ազգային օրացույցով կարմրուկի դեմ պատվաստումները նախատեսված են 1 և 4-6 տարեկան երեխաների համար: Կարմրուկի դեմ պլանային պատվաստումներ չստացած երեխաների ծնողներին հորդորում են դիմել հաշվառման պոլիկլինիկա և պատվաստել երեխաներին: Միաժամանակ նշվում է, պատվաստման են ենթակա նաև կարմրուկով հիվանդների հետ շփված այն անձինք, ովքեր չունեն կարմրուկի դեմ 2 դեղաչափ պատվաստում:
Հիշեցնենք, որ երեկվա դրությամբ կարմրուկով վարակվելու դեպքերը 39-ն էին: Հիշեցնենք նաև, որ առողջապահության նախարար Անահիտ Ավանեսյանը հայտարարել էր, որ կարմրուկի բռնկման առաջին դեպքը Հայաստան է ներթափանցել արտերկրից: