Թուրքիան աջակցել է ռուսական կողմի նախաձեռնությունը Սիրիայի հարցով աշխատանքային հանդիպման վերաբերյալ, որը նախատեսված է հաջորդ շաբաթ՝ Մոսկվայում։ Այս մասինԱնկարայում իրանցի գործընկեր Հոսեյն Ամիր Աբդոլլահիանի հետ համատեղ մամուլի ասուլիսում հայտարարել է Թուրքիայի արտգործնախարար Մևլութ Չավուշօղլուն, փոխանցում է Անադոլու գործակալությունը։
Նրա խոսքով՝ Սիրիայի հարցի շուրջ քառակողմ քննարկումներ են ծրագրվում Թուրքիայի, Ռուսաստանի Դաշնության, Բաշար ալ-Ասադի վարչակարգի և Իրանի մասնակցությամբ։ Թուրքիան ներկայացված կլինի փոխնախարարի մակարդակով, ասել է թուրք նախարարը։
Նա նշել է, որ Մոսկվայում կայանալիք հանդիպման մասնակիցները ճանապարհ են հարթելու ԱԳ նախարարների մակարդակով հանդիպման համար։
Անդրադառնալով բուն Սիրիայում տիրող իրավիճակին՝ Չավուշօղլուն նշել է, որ ՄԱԿ-ը շարունակում է մարդասիրական օգնության անխափան մատակարարումն այս երկիր։
«Փետրվարյան երկրաշարժերի հետևանքների ֆոնին Թուրքիան բացեց իր օդային տարածքը Սիրիա մարդասիրական օգնություն տեղափոխող ինքնաթիռների համար։ Մենք նաև օգնություն ենք ցուցաբերում Թուրքիայի ցամաքային սահմանով մարդասիրական օգնության մատակարարման հարցում։ 475 բեռնատար մարդասիրական օգնությամբ թուրք-սիրիական սահմանով արդեն անցել է աղետի գոտի»,- ասել է նախարարը։
Չավուշօղլուն վստահեցրել է, որ Թուրքիան անտարբեր չի մնում Սիրիայի ժողովրդի խնդիրների նկատմամբ, և այդպես էլ շարունակվելու է։