Башҡортостан Хөкүмәте Премьер-министры Андрей Назаров социаль селтәрҙәге сәхифәһендә гүзәл заттарҙы байрам менән тәбрикләне. “Хөрмәтле ҡатын-ҡыҙҙар, байрам менән! Һеҙгә бик күп йылы һүҙҙәр әйтке килә, әммә һеҙгә булған һөйөүебеҙҙе һәм һоҡланыуыбыҙҙы белдереү өсөн был һүҙҙәр барыбер етмәҫ. Һеҙ аҡыллы, һиҙгер, эшһөйәр, беҙҙе алға барырға дәртләндерәһегеҙ, төрлө хәлдәрҙә лә баҙап ҡалмайһығыҙ, ҡатын-ҡыҙға хас йомшаҡлыҡты һәм һөйкөмлөлөктө һаҡлап, һәр саҡ беҙҙең төп ярҙамсыбыҙ, таянысыбыҙ булып ҡалаһығыҙ. Тормошоғоҙҙа изгелектәр, шатлыҡ-ҡыуаныстар күберәк булһын. Бәхет һәм яҡшы кәйеф һеҙгә!” – тип яҙған Андрей Назаров. Фото: rus.bashgazet.ru Сығанаҡ: vk.com/agnazarov