2023 йылдың 2 мартында Башҡортостан Республикаһы Башлығының Гранттар фонды гражданлыҡ йәмғиәте институттарын үҫтереүҙә ҡатнашҡан һәм 2023 йылда социаль әһәмиәтле проекттарҙы ғәмәлгә ашырған коммерцияға ҡарамаған ойошмаларға ярҙам күрһәтеү өсөн Башҡортостан Республикаһы Башлығы гранттарының беренсе конкурсына ғаризалар ҡабул итеүҙе тамамланы. Конкурс тәүге тапҡыр мини-гранттар форматында уҙғарылды. Конкурсҡа бөтәһе 212 проект тапшырылған. Бөтә конкурста ҡатнашыусыларҙың дөйөм суммаһы 92 миллион һумдан ашыу тәшкил иткән. Конкурсты дөйөм финанслау күләме 25 миллион һум тәшкил итә. Иң беренсе ғаризаны «Йылайыр районының мәҙәниәтте һәм туризмды үҫтереү үҙәге» коммерцияға ҡарамаған ойошмаһы 13 февралдә биргән, һуңғы “вагонға” «Перспектива» социаль башланғыстар һәм эшҡыуарлыҡты үҫтереү үҙәге инергә өлгөргән - 2 мартта теркәлгән. Конкурстың иң популяр йүнәлештәре: «Сәнғәт һәм мәҙәниәт» (47 ғариза); «Һаулыҡ һаҡлау, сәләмәт йәшәү рәүешен, физик культураны һәм спортты пропагандалау» (39 ғариза). Яңы форматтағы беренсе конкурстың төп маҡсаты бығаса грант ярҙамын ала алмаған яңы ойошмаларҙы йәлеп итеү, шулай уҡ бәләкәй биләмәләргә дәүләт ярҙамы сараларын йүнәлтеү ине. Өфө ҡалаһы ҡала округынан тыш, Башҡортостан Республикаһы муниципаль берәмектәренән бирелгән заявкалар өлөшө 62,74% тәшкил итә, ә Фондтың 10 конкурсы эсендә тәүгә ҡатнашҡан уникаль ойошмалар һаны 212-нән 114-те тәшкил иткән. Республика муниципалитеттары араһында бирелгән ғаризалар һаны буйынса лидерҙар: Өфө ҡалаһы - 79, Ғафури районы - 11, Нефтекама ҡалаһы һәм Стәрлетамаҡ ҡалаһы - 8-шәр ғариза. Конкурс еңеүселәре 2023 йылдың 9 майынан да ҡалмай иғлан ителәсәк. Еңеүселәрҙең проектын ғәмәлгә ашырыу 2023 йылдың 12 июненән һуң башланасаҡ. Хәтерегеҙгә төшөрәбеҙ, 2023 йылдың 1 мартынан икенсе конкурсҡа ғаризалар ҡабул ителә. Конкурс өсөн проекттарҙы ғәмәлгә ашырыу ваҡыты 12 ай тәшкил итә. Бер проектҡа гранттың максималь күләме 3 миллион һумдан артмай. Тулыраҡ мәғлүмәт грантыглавы102.рф сайтында, «Конкурстар» бүлегендә урынлаштырылған. Фото: ufaved.info