Дмитрий Чернышенко: “Уфада башка төбәкләр үрнәк алырлык бик күп мисаллар күрдек”

“Дмитрий Николаевич, бүген Уфада Сез берничә эре объектта булдыгыз. Ни өчен Русия Хөкүмәте тарафыннан аларга ярдәм итүгә җитди игътибар бирелә?” – дип сорадылар.- Безнең илдә фән белән идарә итүнең югары органы булып Фән буенча совет тора, аны Русия Президенты Владимир Путин җитәкли. Күптән түгел Совет утырышы булды. Һәм дәүләт башлыгы фәнгә, технологик суверенитетка ирешүгә, дәүләт ихтыяҗларын тәэмин итүгә, барыннан да элек икътисадның тотрыклылыгына һәм махсус хәрби операция ихтыяҗларын тәэмин итүгә бәйле рәвештә бик ачык күрсәтмә бирде, - диде Дмитрий Чернышенко. - Биредә без Уфада башка төбәкләр тиңләшә алырлык берничә яхшы мисал күрдек. Башкортстан фән һәм мәгариф эшчәнлегенә ярдәм итү инструментларының бөтен палитрасын диярлек нәтиҗәле файдалануны күрсәтә.Мәсәлән, Евразия фәнни-мәгариф үзәге - нефть-газ һәм нефть химиясе сәнәгате өчен инновацияләр өлешендә лидерларның берсе. "Киләчәк моторлары" инженерлык мәктәбе искитмәле гамәли нәтиҗәләр күрсәтә. Хәзер алар авиация, медицина сәнәгатендә кулланыла. Башкортстан Башлыгы үтенече буенча без робототехника өчен янә бер фәнни үзәк төзергә килештек.“Радий Фәритович! Башкортстанда фән һәм мәгариф өлкәсендә күп кенә масштаблы проектлар гамәлгә ашырыла. Бу эштә федераль үзәк ничек ярдәм итә?” – дигән сорау да бирелде.- Фәнне һәм югары белемне үстерү өчен Русия Хөкүмәте һәм Мәгариф министрлыгы тарафыннан бик алдынгы тәкъдимнәр һәм инструментлар "меню"ы бар. Һәм без һәр проектта катнашабыз. Дмитрий Николаевич безнең дөнья дәрәҗәсендәге фәнни-белем бирү үзәген, "Киләчәк моторлары" алдынгы инженерлык мәктәбен булдыруга һәм "Приоритет-2030" программасында катнашканыбызны гадел билгеләп үтте. Без документларны дөрес әзерләргә һәм җиңәргә өйрәндек.Шуңа күрә хәзер безнең югары мәктәп әлеге гамәлләрнең нәтиҗәләрен чыннан да тоя. Беренче чиратта, бу бизнес, дәүләт һәм фән кооперациясенә кагыла. Бу - катлаулы бурыч, ул гади генә хәл ителми. Икенчедән, без Башкортстанда югары белем һәм фәнне финанслауны шактый арттыра алдык. Бу - шулай ук әлеге конкурсларда җиңү нәтиҗәсе.Без вице-премьер Дмитрий Чернышенкога, Фән һәм югары белем министрлыгына шушы юнәлешләр өчен җаваплы ведомстволарга бик рәхмәтле.Фото: glavarb.ru