Եթե արքայազն Հարին և Մեգան Մարքլը որոշեն մասնակցել Չարլզ III-ի թագադրման արարողությանը, նրանք կկարողանան ապրել Վինձորում գտնվող իրենց նստավայրում։ Այս մասին հայտնում է Daily Mail-ը։
Աղբյուրը տեղեկացնում է, որ Չարլզ III-ը «Մեգանին և Հարրիին թույլ կտա բնակվել Ֆրագմորում, եթե նրանք ընդունեն թագադրման հրավերը»։ Արքայադուստր Եվգենիեն, ով մնում է քոթեջում Մեծ Բրիտանիայում գտնվելու ընթացքում, նույնպես տեղեկացրել է, որ արդեն օգնել է փաթեթավորել Սասեքսների որոշ իրեր և ուղարկել դրանք Մոնտեսսիտոյում գտնվող զույգի բնակարան:
Արդեն հայտնի է դարձել, որ արքայազն Հարին և Մեգան Մարքլը պաշտոնական հրավեր են ստացել Մեծ Բրիտանիայի թագավոր Չարլզ III-ի թագադրման արարողությանը, սակայն, ընդունել են, թե ոչ, դեռ հայտնի չէ։
«Ես կարող եմ հաստատել, որ Հարին վերջերս նամակ է ստացել Նորին Մեծության գրասենյակից թագադրման վերաբերյալ: Անմիջական որոշումն այն մասին, թե նրանք կմասնակցեն արարողությանը, այս պահին մեր կողմից չի հրապարակվի», - ասել է Սասեքսների ներկայացուցիչը:
Հիշեցնենք, որ Չարլզ III-ը արքայազն Հարիին և Մեգանին «վտարել է» Մեծ Բրիտանիայից։ Նստավայրն առաջարկել են արքայազն Էնդրյուին, սակայն նա դեռ վերջնական որոշում չի կայացրել տեղափոխվելու մասին: