Құтқарушылар 4-ші қабаттан секірмек болған жігітті аман алып қалды, деп хабарлайды Qazaqstan Media тілшісі.
Кеше Петропавл қаласы ПБ екінші полиция бөлімінің кезекші бөліміне қала тұрғынынан 19 жастағы ұлының Ибраев көшесіндегі пәтерінде жанжал шығарғаны туралы шақыру түскен. Аталған дерек Петропавл қаласы ПБ-ның ақпаратты есепке алу кітабында тіркелді. Шақыруға кезекші учаскелік полиция инспекторы мен Төтенше жағдайлар департаментінің құтқарушылары барды.
Белгілі болғандай, ішімдік ішкен жігіт үй ішінде болған ұрыстан кейін өз өзіне қол салмақ болған. Абырой болғанда, мамандар қайғылы жағдайдың алдын алды. Қазір аталған оқиғаға қатысты тексеру амалдары жүргізілуде.