Էբեկո հրաբուխը, որը գտնվում է ՌԴ Պարամուշիր կղզու Սեվերո-Կուրիլսկ քաղաքից ոչ հեռու, 2,5 կիլոմետր բարձրությամբ մոխրի սյուն է արտանետել: Pravilamag.ru-ի փոխանցմամբ՝ այս մասին հայտնում է Սախալինի մարզի ԱԻՆ գլխավոր վարչությունը։
Մոխրի արտանետումը տեղի է ունեցել մարտի 1-ին։ Դրանից ստացված սյունը տարածվել է հյուսիսային ուղղությամբ՝ ավելի քան հինգ կիլոմետր հեռավորության վրա։
Մոխրի արտանետումը բնակչության համար ոչ մի վտանգ չի ներկայացնում։