Kompyuterda ishlayotgan vaqtda qoʻllar sovqotishi muammosi deyarli hammamizda yil davomida bo‘lib turadi. Akasiga kommunal to‘lovlarini tejashda yordam bermoqchi bo‘lgan Seren buning yechimini o‘ylab topdi.
Qo‘llari sovqotmasligi haqida qayg‘urgan Varme startapi birvarakayiga hamma uchun qoʻl isitish moslamasini ishlab chiqdi. Qurilma klaviaturaga ulanib yuqori qismidan issiq havo yetkazib turadi. Startap mualliflari gadjetni ommaviy ishlab chiqish uchun Indiegogo kraudfanding platformasida mablagʻ yigʻishmoqda.
Muhandislarning aytishicha, loyiha ustida 2012-yildan beri ish olib borildi va oradan deyarli 11 yil oʻtib Varme isitgichi “dunyo yuzini ko‘rdi”. Gadjet hatto kommunal toʻlovlaringizni kamaytirishi ham mumkin: uydagi isitish moslamalarini o‘chirasiz, issiqroq kiyinasiz, bir chashka qaynoq choyni yoningizga qo‘yib olib ishlayverasiz — barmoqlaringiz haqida Varme (“meni isit”) gadjeti g‘amxo‘rlik qiladi.
“Hammasi 2012-yilda boshlandi: akam menga kommunal toʻlovlari koʻpayib ketganini aytib noligach men kam elektr energiyasi isteʼmol qiladigan va aynan inson tanasiga qaratilgan infraqizil yorugʻlikni oʻylab topdim.“ — dedi Varme ixtirochisi Seren Abilgord.
U qanday ishlaydi
Sakkizta kam quvvatli IR LED V shaklidagi alyuminiy isitkich korpus ichiga joylashgan. Ular klaviatura ustiga qaratilgan va o‘zi qaratilgan yo‘nlishda 10°ga isitadi. Ishlab chiquvchilarning taʼkidlashicha, bunda qoʻllar kuyib ham ketmaydi va terlamaydi ham: foydalanuvchi yoqimli hamda mo‘tadil issiqlikni his qiladi.
Isitkichning oʻlchamlari 189 x 265 mm, ogʻirligi esa 0,75 kg. Gadjet kattaroq bo‘lgani uchun butun ish stolini isitishga yetadi. Shu bilan birga, Varme juda koʻp elektr energiyasini isteʼmol qilmaydi: bor yoʻgʻi 42 vatt.
Hozircha Varmeʼni Indiegogo’da oldindan buyurtma qilish mumkin. Narxi 160 yevro (kurs boʻyicha 1 935 000 soʻm). Kompaniyaning taʼkidlashicha, yetkazib berish 2023-yilning aprel oyida boshlanadi.
Xoʻsh, biz keltirgan maʼlumotlarning qaysilarini bilar edingiz? Yanada qiziqarli va foydali maqolalarni oʻtkazib yubormaslik uchun Telegram kanalimizga obuna boʻlib qoʻying.