Եգիպտացի մասնագետների խումբը, այդ թվում՝ Այն Շամսի համալսարանի գիտնականները և երկրի հնությունների նախկին նախարար Մամդուխ ադ Դամաթին, գտել են Սֆինքսի արձանը՝ ենթադրաբար հռոմեական կայսր Կլավդիոսի դեմքով: Այս մասին հայտնում է Лента - ն:
Հնագույն հուշարձանը հայտնաբերվել է Քենա նահանգում հնագիտական պեղումների ընթացքում՝ Հռոմեական կայսրության ժամանակների տաղավարում, որը գտնվում է Դենդերա տաճարային համալիրից արևելք: Մաքրման աշխատանքների ընթացքում գիտնականներին հաջողվել է պեղել կրաքարից պատրաստված Սֆինքսի արձանը։
Ըստ նախնական տվյալների՝ որոնք հիմնված են տեսողական զննման վրա, քանդակը նվիրված է եղել Կլավդիոս կայսրին։ Հետազոտողները գտածոն նկարագրել են որպես «հոյակապ» և «գեղեցիկ»: Նրանց խոսքով՝ դեմքի գծերը «տարբերվում են թագավորական գծերով»։ Արձանի տակից դուրս է բերվել նաև Հռոմեական կայսրության ժամանակաշրջանի մի նկար, որը նկարված է հիերոգլիֆներով և դեմոտիկ գրերով։