Төнлә дуслары белән ял иткәндә, ул машинага дүрт кыз һәм тагын бер дустын утырта, ә аннан соң алар Бекәш - Нигамәт юлы буенча китә. Трассаның 7нче километрында егет идарә итүне башкара алмый һәм кюветка оча, ә аннан соң машина әйләнеп төшә.Нәтиҗәдә, биш пассажир да имгәнгән, ә шофер үзе зыян күрмәгән. ЮХХДИ хәбәр итүенчә, 17 яшьлек егетне таныклыксыз машина йөртү өчен җаваплылыкка тарттырган булганнар инде. Бу юлы үсмер исерек килеш рульгә утырган.Хәзер автоинспекторлар юл-транспорт һәлакәтенең барлык шартларын билгели. Шул исәптән, балигъ булмаган егетнең "ВАЗ 2110" автомобилен ничек алып китүен дә ачыклыйлар.