Көн тәртибендә нефть-газ тармагында хезмәттәшлекне ныгыту һәм уртак проектларны гамәлгә ашыру мәсьәләләре булды.Иран нефть министры урынбасары нефть чыгару һәм эшкәртү өлкәсендә Башкортстанның зур потенциалын билгеләп үтте.- Иран газ запаслары буенча Русиядән соң дөньяда икенче һәм нефть запаслары буенча өченче урында тора. Без бу өлкәдә проектларны гамәлгә ашыру буенча Башкортстан белән эшләргә әзер, – диде Мохсен Ходжасте-Мехр. - Мин Петербург Халыкара газ форумы мәйданчыгында Башкортстан стенды янында булдым һәм сезнең мөмкинлекләрегез белән таныштым. Алар бик киң.Башкортстан Башлыгы, үз чиратында, үзара хезмәттәшлекне оештыру өчен берничә тәкъдим билгеләде.- Башкортстан - нефть чыгаручы һәм нефть эшкәртүче төбәк. Беренче нефть ятмасын 1932 елда эшкәртә башладык. Бу вакыт эчендә без нефть промыселы һәм геофизик җиһазлар җитештерү өлкәсендә компетенцияләрне арттырдык. Башкортстан предприятиеләре аны Русиянең эре компанияләре өчен җитештерә, - дип билгеләп үтте Радий Хәбиров. - Без бу өлкәдә тәҗрибә уртаклашырга әзер. Безнең делегация составында Иранга яхшы компетенцияле тармак компанияләре җитәкчеләре килде.Радий Хәбиров шулай ук нефть чыгару һәм нефть эшкәртү өлкәсендә фәнни белем бирү хезмәттәшлеген үстерергә тәкъдим итте.- Бездә Уфада Русиянең әйдәп баручы профильле югары уку йортларының берсе – Уфа дәүләт нефть техник университеты эшли. Шуңа күрә сезнең тармак вузлары белән хезмәттәшлеккә әзербез, - дип өстәде Радий Хәбиров. Русия Хөкүмәте карары белән Башкортстанда дөнья дәрәҗәсендәге Евразия фәнни-белем бирү үзәге (НОЦ) булдырылды. Әгәр дә без НОЦ эше кысаларында фәнни даирәләребезнең даими үзара бәйләнешен оештырсак, бик файдалы булыр иде.Башкортстан Башлыгы нефть министры урынбасарын һәм Иран сәнәгате вәкилләрен «Газ. Нефть. Технологияләр" күргәзмәсенә чакырды, ул Уфада 2023 елның маенда узачак.Башкортстан делегациясен Иранда шундый ук профильле күргәзмәгә республика Хөкүмәте Премьер-министры урынбасары, сәнәгать, энергетика һәм инновацияләр министры Александр Шельдяев җитәкләячәк.Фото: glavarb.ru