Тегеран аэропортында кунакларны Иранның сәнәгать, рудниклар һәм сәүдә министры урынбасары Мөхәммәд Мусави каршы алды.Визит программасында берничә эшлекле очрашу, шул исәптән Иранның икътисади мәсьәләләр буенча вице-президенты Мохсен Резаи, министрлар һәм эре компанияләр җитәкчеләре белән. Моннан тыш, делегация вәкилләре сәнәгать һәм мәдәни-тарихи объектларда булачак, Башкортстанның инвестицион потенциалы презентациясен үткәрәчәк, шулай ук B2B форматында уртак проектларны гамәлгә ашыру өчен перспективалы юнәлешләр турында фикер алышачак.- Русия белән Иран арасында ныклы эшлекле мөнәсәбәтләр барлыкка килде. Без Русиянең күп кенә төбәкләре белән хезмәттәшлек итәбез. Сезнең визитыгыз нәтиҗәсендә без Башкортстан турында да күбрәк белә алачакбыз, - диде Мөхәммәд Мусави.- Бу визит безнең өчен бик кызыклы һәм мөһим. Республика делегациясе составында – Башкортстан Хөкүмәте әгъзалары һәм Иран белән хезмәттәшлек итүдә кызыксынулары булган эре компанияләр вәкилләре. Без икътисадның структурасы охшаш икәнен яхшы аңлыйбыз. Һәм бу өлештә без бер-беребезне тулыландыра алачакбыз, - дип билгеләп үтте Радий Хәбиров. - Тагын бер бурыч – Иранны Башкортстан халкы өчен ачу. Шуңа күрә фикер алышырга ниятләгән мәсьәләләр арасында, әлбәттә, туризм да бар. Аерым алганда, без туры Уфа – Тегеран рейсын ачу белән кызыксынабыз.Фото: glavarb.ru