Кыргыз Республикасынын Өзгөчө кырдаалдар министрлигинде уран мурастарын рекультивациялоо боюнча долбоорлор ишке ашырылып жаткан аймактарда калктын маалымдуулугун жогорулатуу жана социалдык-экономикалык өнүгүү боюнча пландар талкууланды. Жолугушууда 2025-2026-жылдарга карата калктын маалымдуулугун жогорулатуу боюнча иш-аракеттер планы иштеп чыгуу жана макулдашуу боюнча макулдашылды.
🇰🇬 Кыргыз Республикасынын Өзгөчө кырдаалдар министрлигинде уран мурастарын калыбына келтирүү долбоорлорун ишке ашырып жаткан аймактарда калктын маалымдуулугун жогорулатуу жана социалдык-экономикалык өнүгүү боюнча биргелешкен пландарды талкуулоо боюнча жолугушуу өттү.
🤝 Жолугушууга “Росатом” мамлекеттик корпорациясынын, Европа реконструкция жана өнүктүрүү банкынын, ПРООН жана Бишкектеги ЕККУнун программалык кеңсесинин өкүлдөрү катышты.
🌍 Жолугушуунун жүрүшүндө тараптар уран казып алуу өндүрүштөрүнүн таасирине дуушар болгон аймактардын коопсуздугун камсыз кылуу боюнча МЧС КР жана өнөктөштөр менен биргеликте жүргүзүлүп жаткан иштер жөнүндө маалымат алышты.
📊 Талкуулоонун жүрүшүндө учурдагы иш-чараларды координациялоо, жаңы чечимдерди иштеп чыгуу боюнча мындан аркы кадамдар жана пландар талкууланды. Бул иштер жергиликтүү жамааттардын кызыкчылыктарын эске алуу менен жүргүзүлөт.
📅 Тараптар 2025-2026-жылдарга карата Кыргыз Республикасындагы уран мурастарын калыбына келтирүү долбоорлорун ишке ашыруу боюнча калктын маалымдуулугун жогорулатуу боюнча “Иш-аракеттер планын” иштеп чыгуу жана макулдашуу жөнүндө макулдашышты.
📢 Бул план алкагында калктын эң приоритеттүү муктаждыктарын аныктоо, уран калдыктары менен байланышкан тобокелдиктер жөнүндө маалымдуулукту жогорулатуу жана бул жерлерде реабилитациялык иштерди ийгиликтүү ишке ашырууга кызыкдар тараптарды тартуу маселелери камтылат.
🔗 Социалдык-экономикалык көйгөйлөрдү жеңүү боюнча идеялар, практикалар жана оң тажрыйба менен алмашуу үчүн бирдиктүү маалыматтык мейкиндикти түзүү максатында бардык аракеттер ушул объекттер жайгашкан калктуу конуштар менен өз ара аракеттенүүгө багытталат.