Ош шаарынын мэри Женишбек Токторбаев А.Навои атындагы шаардык паркты текшерип, аймакты тазалоо жана жашылдандыруу боюнча тапшырмаларды берди. Ак-Буура дарыясынын жээгин тазалоо жана кооптуу дарактарды калыпка салуу боюнча иштерди күчөтүү тапшырылды.
🌳 Ош шаарынын мэри Женишбек Токторбаев бүгүн эртең менен А.Навои атындагы шаардык парктын абалын текшерди.
🚧 Мэриянын маалыматына ылайык, шаар башчысы паркты тазалоо, жакшыртуу жана жашылдандыруу боюнча тапшырмаларды берди.
🌿 Мэр жашыл аймактарды реконструкциялоо иштеринин жүрүшү менен таанышып, “Ферас” бассейнинен А.Навои атындагы эс алуу паркынын көчөсүнө чейин созулган аймакты көрүп чыкты.
🏊 Парктагы ижарага берилген объекттер, анын ичинде бассейндер, зоопарк жана башка жайлар да текшерилди.
🌱 Жеке менчикке өткөн жерлерди мамлекеттин менчигине кайтаруу, жөө жүргүнчүлөргө коркунуч жараткан дарактарды калыпка келтирүү жана Ак-Буура дарыясынын жээктерин тазалоо боюнча иштерди күчөтүү тапшырмалары берилди.