Республикалык жугуштуу оорулар ооруканасында 143 кызамык оорусу менен ооругандар дарыланууда, алардын бири өтө оор абалда. 2025-жылдын башынан бери 1801 учур катталып, 4 өлүм болду. Ооругандардын 73% эмдөөдөн өтпөгөндөр. Кызамык жогорку жугуштуу жана балдар арасында өлүмдүн негизги себептеринин бири бойдон калууда.
🦠 Бүгүнкү күндө Республикалык жугуштуу оорулар клиникалык ооруканасында 143 адам кызамык менен ооруп жатат, алардын бири реанимация бөлүмүндө өтө оор абалда, жасалма дем алдырууга туташтырылган.
🏥 Жалпысынан оорукананын стационарында 387 бейтап бар, алардын 344ү балдар.
📊 2024-жылы кызамык менен ооругандардын саны 6 774 учурду түзүп, алардын экөө өлүм менен аяктаган. 2025-жылдын алгачкы эки айында 1 801 учур катталып, төртөө өлүмгө алып келген.
💉 Ооругандардын 73% эмдөөдөн өтпөгөндөр. Кызамык ар кандай курактагы, социалдык жана кесиптик топтордогу балдар менен чоңдорго жугат.
⚠️ Кызамык оорунун оор формаларынын жана татаалдашкан түрлөрүнүн өнүгүшүнө алып келет, ал дүйнө жүзү боюнча жаш балдардын өлүмүнүн негизги себептеринин бири бойдон калууда.
👥 Кызамык өтө жугуштуу, контагиоздуулук индекси 95% га чейин жетет, аны “подъезд оорусу” деп аташат, анткени подъездде бир адам ооруса, анын жанында болгон он адамдын тогузу ооруп калат.