Кыргызстанда дүйнөлүк стандарттарга жооп берген АИ 92 жана АИ 95 күйүүчү майы өндүрүлөт. Кыргызстандын мунай иштетүүчү заводу 2027-жылга чейин модернизацияланат. Жалпы инвестиция 409 миллион долларды түзөт.
🛢️ Кыргызстанда АИ 92 жана АИ 95 үлгүсүндөгү күйүүчү майлар дүйнөлүк стандарттарга ылайык өндүрүлө баштайт.
🏭 “Кыргыз Петролеум Компани” 2024-жылы рекорддук таза киреше алып, 305 миллион 497 миң сом тапты.
🔧 Нефтезаводдун кубаттуулугу жылына 500 миң тонна сырьё иштетүүгө жетет жана учурда модернизация иштери жүргүзүлүүдө.
🏗️ 2024-жылы 21 миң тонна нефтепродукция сактоочу 11 резервуардын пайдубалы курулуп, газ сактоочу резервуарлардын курулушу башталды.
⛽ Завод модернизациядан кийин АИ 92 жана АИ 95 үлгүсүндөгү, ошондой эле дизель күйүүчү майларын Евразия экономикалык биримдигинин талаптарына ылайык өндүрө алат.
🌍 SPEC ENGINEERING INC. компаниясы уникалдуу технология менен заводду модернизациялоодо, бул Борбордук Азияда биринчи болуп саналат.
💰 Модернизациянын жалпы суммасы 409 миллион 923 миң 871,19 долларды түзөт, анын 200 миллиону инвестордон, 109 миллион 923 миң 871,19 доллары мамлекеттен, ал эми калган 100 миллион доллары “Кыргызнефтегаз” тарабынан каржыланган.
🚛 Акыркы 4 жылда компаниянын автопаркы толук жаңыланып, 19 бирдик жаңы техника, анын ичинде 6 микроавтобус, 7 жеңил унаа жана башка атайын техника сатып алынган.