Был юлы Гөлназ Ишемғолова бәлеш-пирожное рецебы тәҡдим итә. Һеҙ ҙә бешереп ҡарағыҙ әле. "Тәмле килеп сыҡты бынау бәлеш-пирожное. Элегерәк "школьное пирожное" һатыла торғайны бит, хәс шуның тәме, төҫө. Ул пирожное хәҙер ҙә бар ул, тик бала саҡта ашаған икенсе төрлөрәк тәмле була бит. Был пирожное мине шул бала саҡҡа алып ҡайтты. Эй, оҙаҡ бешерергәме-юҡмы, рецебы ла ҡыҙыҡ ҡына тип уйлана торғас, бешерҙем бит, әй! Уй, тәмле, йомшаҡ ҡына, ауыҙҙа иреп тора. Шулай итеп, башта миксер менән 1 стакан шәкәрҙе, 5 ҡалаҡ какаоны, 1 стакан һыуыҡ һөттө, 1 стаканды саҡ ҡына тултырмай көнбағыш майын (нерафинир) бергә бутаным. Аҙаҡ ошо массаны ҡап уртаға бүлдем дә, яртыһын ситкә алып ҡуйҙым, икенсе яртыһына 2 йомортҡа, һеркәлә һүндерелгән ярты балғалаҡ аш содаһы, 1 стакан он һалып тағын миксер менән туғыным. Ҡуйы ғына ҡамыр килеп сыҡты. Майлы табаға һалып мейескә 35 минут бешерергә ҡуйҙым. Еҫе тәмлеее!!! Бешеп сығыуы менән мейестән алдым да, табалағы бәлеште киҫәктәргә турап, өҫтөнә баяғы ситкә алып ҡуй