Ош облусунда 2025-жылдын 13-мартынан баштап электр энергиясынын тарифтери боюнча түшүндүрүү иштери башталды. Бул иш-чаралар 2025-2030-жылдарга карата жаңы тарифтик саясат долбоорунун алкагында бардык облустарда өткөрүлүп жатат.
⚡️ Ош облусунда электр энергиясынын тарифтери боюнча түшүндүрүү иштери башталды.
📊 Бул иш-чаралар 2025-2030-жылдарга карата жаңы “Кыргыз Республикасынын электр энергиясына орто мөөнөттүү тарифтик саясаты” долбоорунун алкагында өткөрүлүүдө.
🌍 Нарын, Талас, Ош, Чүй, Ысык-Көл, Жалал-Абад жана Баткен облустарында да түшүндүрүү иштери жүргүзүлүп жатат.
👥 Иш-чараларга Кыргыз Республикасынын Энергетика министрлигинин өкүлдөрү, Отун-энергетикалык комплексин жөнгө салуу департаментинин кызматкерлери жана Кыргызстандын Улуттук электр тармагы катышууда.
📈 Жолугушууда энергетика тармагынын кызматкерлери жаңы токтом долбооруна киргизилген сунуштарды презентациялашты.
💡 Жолугушууда төмөнкү маселелер каралды: электр энергиясынын жалпы балансы, тармактын жалпы чыгымдары, энергетика секторундагы учурдагы көйгөйлөр, республикалык бюджеттен энергетикалык компанияларды субсидиялоо процесси, башка өлкөлөрдөгү калк үчүн электр энергиясынын тарифтери жана жаңы керектөөчүлөрдүн топтору.
❓ Керектөөчүлөр учурдагы абал, энергетика тармагындагы көйгөйлөр жана акылдуу эсептегичтерди алмаштыруу шарттары боюнча суроолоруна жооп алышты.