Башҡортостан Башлығы Радий Хәбиров "АРТ-Ҡоролтай" V Мәҙәни форумының пленар ултырышында ҡатнашты. Пленар ултырыштың темаһы "Бөйөк ил мираҫы – Рәсәйҙең мәҙәни суверенитеты нигеҙе". Радий Хәбиров үҙенең сығышында "АРТ-Ҡоролтай"ҙың абруйлы ҡунаҡтарын сәләмләне һәм республиканың мәҙәниәт өлкәһендәге ҡаҙаныштары менән уртаҡлашты. – Башҡортостан дүртенсе йыл рәттән мәғлүмәт әүҙемлеге рейтингыһында лидерлыҡ итә. Беҙ мәҙәни сараларға килеүселәр һаны буйынса Мәскәүҙән ҡала икенсе урынға сыҡтыҡ. Был һан беҙҙә 160 миллиондан ашып китте. Беҙ махсус хәрби операцияла ҡатнашыусыларға һәм уларҙың ғаилә ағзаларына льготалы нигеҙҙә мәҙәниәт учреждениеларына һәм сараларға йөрөү хоҡуғын бирҙек. Йыл ярым эсендә был ярҙам сараһынан 90 мең самаһы кеше файҙаланған, улар 12 меңдән ашыу сарала ҡатнашҡан, – тине төбәк етәксеһе. – 2025 йыл Бөйөк Еңеүҙең 80 йыллығы һәм ул Ватанды һаҡлаусылар йылы билдәһе аҫтында үтә. Башҡортостанда был шулай уҡ махсус хәрби операцияла ҡатнашыусыларға һәм уларҙың ғаилә ағзалары