Кыргызстандын улуттук курама командасы 2026-жылкы дүйнө чемпиондугунун тандоо турниринин үчүнчү айлампасына чыгып, 2027-жылкы Азия Кубогуна жолдомо алды. 2025-жылы Бишкектеги Д. Омурзаков атындагы стадиондо Азия чемпиону Катар менен беттешет. Бул күнү күйөрмандар кыргыз маданиятынын атмосферасын сезип, ифтар өткөрүп, бекер тамак-аштан даам татышат.
🏆 Кыргыз Республикасынын улуттук курама командасы 2026-жылы өтө турган дүйнө чемпионатына тандоо турниринин экинчи айлампасында тарыхта биринчи жолу үчүнчү айлампага чыгып, 2027-жылы өтө турган Азия Кубогуна квалификация алды.
⚽️ 2026-жылкы дүйнө чемпионатынын тандоо турниринин үчүнчү айлампасында Кыргызстандын улуттук курама командасы Азиянын учурдагы чемпиону Катар менен беттешет. Бул оюн 25-мартта Д. Омурзаков атындагы стадиондо, Бишкек шаарында өтүп, саат 18:00дө башталат.
🏟 Бул 2025-жылы улуттук курама команданын биринчи үй беттешүүсү болот. Үчүнчү айлампада 18 команда үч топко бөлүнөт, ар бир топто алты командадан. Бул этаптын жыйынтыгы боюнча ар бир топтон эки мыкты команда 2026-жылкы дүйнө чемпионатына жолдомо алат.
🌍 Төртүнчү квалификациялык айлампада Азиядан дагы эки өкүл аныкталат, ал эми континенттер аралык плей-офф аркылуу дүйнө чемпионатына кошумча бир орун ойнотулат. Биздин курама команда “А” тобуна Иран, Катар, БАЭ, Түндүк Корея жана Өзбекстан менен бирге кирди.
🎉 Бул күнү күйөрмандар оюнду көрүү менен гана чектелбестен, чыныгы кыргыз маданиятынын атмосферасын сезе алышат. Рамазан айына туш келген бул майрамда көрүүчүлөр стадиондо ифтар кылып, бекер тамак-аштардан даам татышат.