Кыргыз Республикасынын эмгек, социалдык камсыздоо жана миграция министри Равшанбек Сабиров БУУнун баш катчысынын орун басары Ли Цзюньхуа менен жолугушуп, карыларды жана майыптарды колдоо, реабилитациялык борборлорду өнүктүрүү маселелерин талкуулашты.
🌍 Кыргыз Республикасынын эмгек, социалдык камсыздоо жана миграция министри Равшанбек Сабиров Бириккен Улуттар Уюмунун (БУУ) Башкы катчысынын орун басары Ли Цзюньхуа менен Нью-Йорктогу БУУнун штаб-квартирасында жолугушту.
🤝 Жолугушууда социалдык камсыздоо, улгайган адамдарды жана майыптарды колдоо маселелери, ошондой эле Кыргыз Республикасынын БУУ менен бул багыттар боюнча мындан аркы кызматташуусу талкууланды.
📈 Улуттук стратегияларды ишке ашыруу, анын ичинде 2023-2030-жылдарга карата “Жеткиликтүү өлкө” мамлекеттик программасы боюнча Дүйнөлүк экономикалык жана социалдык иштер департаментинин эксперттик колдоосу менен иштелип чыккан пландарга өзгөчө көңүл бурулду.
🏥 Министр реабилитациялык борборлорду өнүктүрүү, активдүү карылыкты колдоо, геронтология жана гериатрия системасын өнүктүрүү иштерин күчөтүүнү пландап жатканын белгиледи.
🙏 Сабиров социалдык коргоо, реабилитация, абилитация, адистердин квалификациясын жогорулатуу жана улуттук мыйзамдарга универсалдуу дизайн принциптерин киргизүү боюнча БУУ агенттиктеринин ар тараптуу колдоосуна терең ыраазычылыгын билдирди.
🇰🇬 Бул кадамдардын бардыгы Кыргыз Республикасынын президенти Садыр Жапаровдун саясатынын алкагында ишке ашырылып жаткан мамлекеттик социалдык саясаттын алкагында жүргүзүлүүдө. Президент элдин жашоо сапатын жакшыртууга багытталган демилгелерди жүзөгө ашырууга жана эл аралык өнөктөштөр менен натыйжалуу кызматташууга шарт түзүүдө.
🤝 Жолугушуу конструктивдүү маанайда өтүп, тараптар биргелешкен демилгелерди ишке ашырууга жана өнөктөштүктү чыңдоого берилгендигин тастыкташты.