Кызыл-Ой айылында тоодон кар массасы эрип, сегиз үйдү коркунучка салган. Жаракалар пайда болуп, жашоочулар убактылуу көчүрүлдү. МЧС аймакты кооптуу деп тааныган, беш үй-бүлөгө жер бөлүнгөн.
🌨️ Ош облусунун Алай районундагы Курманжан-Датка айыл аймагына караштуу Кызыл-Ой айылында 13-март күнү саат 16:07 чамасында тоо койнундагы кар массасы эрип, суу агымына айланды.
🏠 Суу агымы сегиз турак үйдү көздөй багыт алып, жер көчкү коркунучун күчөтүп, тоо боорунда жаракалардын пайда болушуна алып келди. Жергиликтүү тургундар убактылуу өз туугандарынын үйүнө көчүрүлдү.
⚠️ Буга чейин бул аймак жер көчкү коркунучу жогору болгондуктан, кооптуу аймак катары таанылган. 15 үй-бүлөгө бул жерде жашоо кооптуу экендиги тууралуу эскертүү берилген.
🗺️ Беш үйдүн ээлерине мамлекет тарабынан көчүү үчүн жер тилкелери бөлүнүп берилген. Райондук МЧС башкармалыгы бир нече жолу эскертүүлөрдү берип келген.
🔍 Бүгүнкү күндө МЧСтин Мониторинг жана божомолдоо департаментинин адистери келечектеги изилдөөлөрдү жүргүзүү үчүн аймакка барышты.