Тажикстандын президенти Эмомали Рахмон Кыргыз Республикасына мамлекеттик иш сапары менен келип, эки өлкө ортосундагы кызматташууну тереңдетүүчү бир катар документтерге кол коюлду. Президенттер чек ара келишимин тарыхый окуя деп баалашты.
🇰🇬 Тажикстандын президенти Эмомали Рахмондун Кыргыз Республикасына мамлекеттик сапары ийгиликтүү аяктады.
🎶 Биринчи күнү мамлекет башчылары “Ала-Арча” мамлекеттик жаратылыш паркында этномаданий программа менен таанышып, фольклордук-этнографиялык ансамблдердин катышуусундагы концертке катышты.
🤝 Экинчи күнү президенттер Садыр Жапаров жана Эмомали Рахмон расмий жолугушуу өткөрүп, кыргыз-тажик кызматташуусунун кеңири маселелерин талкуулашты.
📜 Жолугушууда эки тараптуу кызматташууну кеңейтүүгө багытталган бир катар документтерге, анын ичинде мамлекеттик чек ара боюнча келишимге кол коюлду.
🔌 Экономика, энергетика, айыл чарба жана башка маанилүү тармактарда кызматташууну тереңдетүү максатында документтер кабыл алынды.
🌐 “Кайрагач” жана “Кызыл-Бел” чек ара көзөмөл өткөрүү пункттарынын ишин жандандыруу аземине видеобайланыш аркылуу катышуу эки өлкөнүн ортосундагы мамилени чыңдоонун маанилүү кадамы болду.
📈 Бул кадам соода, экономикалык кызматташтыкты жана эки элдин достук байланышын өнүктүрүүгө өбөлгө түзөт.
🗣️ Жолугушуунун жыйынтыгы боюнча мамлекет башчылары маалымат каражаттарына билдирүү жасап, чек ара боюнча келишимдин тарыхый маанилүүлүгүн баса белгилешти.