Եվրոպական երկրները հզորությունների և ռեսուրսների պակաս ունեն վառոդի և պայթուցիկ նյութերի արտադրության համար՝ պաշտպանական ծախսերի զգալի ավելացման ծրագրերի ֆոնին, հայտնում է Bloomberg գործակալությունը։
«Եվրոպական կառավարությունները տեսակավորում են իրենց զինամթերքի պաշարները Ուկրաինային զինելու համար, ինչը ցույց է տվել, թե որքան սուղ են նրանց պաշարները։ Այդ ժամանակից ի վեր նրանք փորձում են մեծացնել հրետանային արկերի, հրթիռների և փամփուշտների արտադրությունը։ Դա մինչև վերջ սպառել է վառոդի, տրոտիլի և այլ պայթուցիկ նյութերի ու հրթիռային վառելիքի պաշարները», - ասվում է հրապարակման մեջ։
Ընկերությունները փորձում են մեծացնել արտադրությունը, բայց նույնիսկ այդ ջանքերը կարող են բավարար չլինել: Այսպիսով՝ գերմանական Rheinmetall կոնցեռնը նախատեսում է մինչև 2028 թվականը 50%-ով ավելացնել վառոդի արտադրությունը, սակայն ընկերության ղեկավար Արմին Պապերգերը կարծում է, որ այդ թիրախային ցուցանիշը պետք է հասցնել 100%-ի ։
Արտադրության նման մասշտաբային աճի խոչընդոտ կարող է դառնալ Եվրոպայից կախվածությունը արտասահմանից հումքի մատակարարումներից։ Մասնավորապես, եվրոպական արտադրողները Չինաստանից ներմուծում են ազոտական թթու և նիտրոցելյուլոզա, որոնք անհրաժեշտ են պայթուցիկ նյութերի և հրթիռային վառելիքի արտադրության համար:
Խնդրի լուծման միջոցներից մեկը կարող է լինել քաղաքացիական քիմիական արդյունաբերության մի մասի անցումը ռազմական արտադրանքի թողարկմանը, սակայն արտադրության արդիականացումը ներդրումներ է պահանջում։ Բացի այդ, ընկերություններին անհրաժեշտ են երկարաժամկետ երաշխիքներ, որ նման արտադրանքը պահանջված կլինի ԵՄ երկրների բանակների կողմից երկար ժամանակ, իսկ արդիականացումը կպահանջի կարգավորման խիստ նորմերի մեղմացում:
Նորություններին հետևեք մեր կայքում, ինչպես նաև Telegram-ում և YouTube-ում