Бөгөн, 8 мартта, Өфөлә Башҡортостан Башлығы Радий Хәбиров һәм Рәсәйҙең фән һәм юғары белем биреү министры урынбаҫары Айрат Ғәтиәтов донъя кимәлендәге Евразия ғилми-белем биреү үҙәгенең вуз-ара кампусында булды. Бында «Йәштәр һәм балалар» милли проектының «Заманса кампустар селтәрен булдырыу» федераль проектына ярашлы объекттың икенсе сиратын төҙөүҙе башлау тантанаһы үтте. Радий Хәбиров кампус биналары комплексын төҙөү мәсьәләләре буйынса эш кәңәшмәһе үткәрҙе. Унда министрлыҡ һәм ведомство етәкселәре, подрядсы ойошмалар вәкилдәре ҡатнашты. Башҡортостан Башлығы республиканың үҫеше, юғары квалификациялы белгестәр әҙерләү һәм төрлө тармаҡтарҙа инновация проекттарын ғәмәлгә ашырыу өсөн объекттың стратегик әһәмиәтен һыҙыҡ өҫтөнә алды. – Беҙ фәнгә ярҙам итеүҙең һөҙөмтәле механизмдарын булдырырға ынтылабыҙ. Ошо йәһәттән эштәрҙең күләме байтаҡҡа артты. Шуға күрә республикала Фән һәм юғары белем буйынса дәүләт комитетын булдырҙыҡ, – тип билдәләне Радий Хәбиров. Проектты тормошҡа ашырыу тураһында