Кампуста фәнни сәйәхәттәр башланды

Бөтә донъя инженерлыҡ көнө уңайынан Өфөлә "Циолковский. Өфө математика һәм физика призмаһы аша" фәнни-популяр маршрут үткәрҙеләр. Унда Өфө һәм Ишембай райондарынан уҡыусылар ҡатнашты. Уларға республика юғары уҡыу йорттарының, ғилми ойошмаларының һәм предприятиеларының алдынғы лабораториялары буйлап 20 километрҙан ашыу оҙонлоҡтағы мауыҡтырғыс экскурсия ойошторолдо. Сәйәхәт, традиция буйынса, Евразия фәнни-белем биреү үҙәгенең вуз-ара студенттар кампусында башланды. - Беҙҙең маршруттарҙы Рәсәйҙә иң уңышлы һәм тормошҡа ашырылған маршруттар иҫәбенә индерәләр. Беҙ Башҡортостанда фәнде үҫтереүебеҙ менән ғорурланабыҙ, сөнки беҙҙә бының өсөн бик яҡшы шарттар булдырылған. Һәр технологик инновация нигеҙендә теүәл фәндәр ята. Шуға күрә математиканы һәм физиканы өйрәнегеҙ, инженер кластарын һәм һөнәрҙәрен һайлағыҙ. Һеҙҙең арағыҙҙа Циолковскийҙар, Ковалевтар, Гагариндар булыр тип ышанам, - тип мөрәжәғәт итте ҡатнашыусыларға Евразия ESG үҙәге һәм Өфө фән һәм технологиялар университетының тотороҡло үҫеше директоры урынбаҫары Глүсә Баҡыева. Уҡыусылар юғары уҡыу йорттары араһындағы студенттар кампусында ғалимдарҙың алдынғы эшләнмәләре менән танышты: Өфө фән һәм технологиялар университетының органик наноэлектроника һәм яңы материалдар дизайны, шулай уҡ Өфө нефть техник университетының VR-технологиялар һәм робот техникаһы лабораторияларында булды. Элемтә музейына барҙылар - унда иң тәүге ҡара-аҡ һәм төҫлө телевизорҙар, радионың бөтә төрҙәре, магнитолалар күргәҙмәһе ҡуйылған. Маршруттың иң сағыу нөктәләренең береһе Өфө ҡала планетарийы булды Йәш туристар шулай уҡ Рәсәй фәндәр академияһы Өфө федераль тикшеренеү үҙәге һәм республика предприятиеларының ғалимдары һәм уникаль технологиялары менән танышты. Бер көн эсендә балалар физика-математика фәндәре донъяһында – тәүгеләрҙән алып хәҙерге заман уйлап табыуҙарына тиклем – танышты. - Фәнни-популяр туризм - ул Рәсәй төбәктәрендә тормошҡа ашырылған проект, һәм республикабыҙ федераль картаның фәнни-популяр туризмында барлыҡҡа килеүенә шатбыҙ. Беҙҙең уҡыусылар һәм колледж студенттары инфраструктураны, университеттарыбыҙҙың эшләнмәләрен күреп, фән менән ғалимдарҙың айырым өлкә һәм айырым һөнәр икәнен аңлай, бер маршрутта теге йәки был тармаҡта Башҡортостандың бөтә фәнни ҡаҙаныштарын күрә ала, - тип билдәләне Башҡортостан Фәнни-белем биреү үҙәгенең идара итеүсе компанияһы директоры Наталия Латипова. “Өфө математика һәм физика призмаһы аша” - Евразия Фәнни-белем биреү үҙәге ғалимдары эшләгән туғыҙ фәнни-популяр маршруттарҙың береһе. Һәр тур билдәле бер фәнни өлкәгә арналған: гуманитар, техник, химик, биологик-медицина, IT һ. б. Тулыраҡ мәғлүмәт менән сайтта (на сайте) танышырға һәм экскурсияға ғариза ҡалдырырға мөмкин. Белешмә. Евразия Фәнни-белем биреү үҙәгенең юғары уҡыу йорттары араһындағы студенттар кампусы Рәсәй Президенты ҡушыуы буйынса һәм Рәсәй Мәғариф һәм фән министрлығының «Фән һәм университеттар» милли проектын тормошҡа ашырыу сиктәрендә төҙөлә. Өфө кампусы проекты - 4,3 мең кешегә иҫәпләнгән торлаҡ биналары, уҡыу-ғилми комплексы, лабораториялары, эшлекле зоналары, магазиндары, уңайлы скверҙары һәм башҡа уңайлы ҡала мөхите объекттары булған студенттар өсөн урын. Мәғлүмәт һәм фото сығанағы: https://pravitelstvorb.ru/news/26249/