Бишкек, 06.03.25. Кыргыз Республикасынын Министрлер кабинетинин төрагасы Адылбек Касымалиев жана Вьетнамдын премьер-министри Фам Минь Тинь биргелешкен билдирүүгө кол коюшту. Билим берүү, укуктук кызматташтык жана жарандык авиация тармагында бир катар документтерге кол коюлду.
🇰🇬 Кыргызстан жана Вьетнам кызматташууну бекемдейт.
📚 Кыргызстан менен Вьетнам билим берүү тармагында кызматташуу боюнча келишимге кол коюшту.
⚖️ Кыргызстандын жана Вьетнамдын юстиция министрликтери укуктук кызматташуу жаатында өз ара түшүнүшүү меморандумун бекитишти.
✈️ Кыргызстандын Жарандык авиация агенттиги жана Вьетнамдын Жарандык авиация башкармалыгы авиация тармагында кызматташуу боюнча макулдашты.
🤝 Бул документтерге кол коюу эки өлкөнүн ортосундагы байланыштарды жана кызматташууну мындан ары да өнүктүрүүгө өбөлгө түзөт.