Кыргызстанда кызамык оорусунун жайылышын токтотуу боюнча чаралар талкууланды. Исламда эмдөөгө карата фатва чыгаруу маселеси көтөрүлдү. Сауд Аравиясына Умра жана Хаж сапары үчүн милдеттүү эмдөө талаптары каралды.
🤝 Кыргызстандын Саламаттыкты сактоо министрлигинин орун басары Бубужан Арыкбаева жана Кыргызстан мусулмандарынын дин башкармалыгынын муфтийи Абдулазиз кары Закиров жолугушту. Жолугушуу учурунда өлкөдөгү кызамык оорусунун курч абалы жана аны токтотуу боюнча чаралар талкууланды.
💉 Вакцинация боюнча исламдын көз карашын чагылдырган фатва чыгаруу маселеси каралды. Бул фатва Кыргыз Республикасынын профилактикалык эмдөө календарынын алкагында 13 инфекцияга каршы эмдөөнү камтыйт.
📄 “Иммунизация: мамлекет жана диний уюмдардын кызматташуусу” резолюциясынын долбоору жана Сауд Аравиясына Умра жана Хаж сапарларын жасоо үчүн милдеттүү эмдөө талаптары да талкууланды.
📊 2024-жылы 19 760 адам эмдөөдөн баш тарткан, анын 45% диний себептерден улам, 41% вакцина коопсуздугуна шек санап, 4,2% маалыматтын жетишсиздигинен жана 9% башка себептерден улам баш тарткан.
📝 Жолугушууда фатва чыгаруу боюнча иштерди жүргүзүү, Умра жана Хаж үчүн милдеттүү вакциналар боюнча биргелешкен кат даярдоо чечимдери кабыл алынды.