Бөгөн Хөкүмәттең аҙналыҡ оператив кәңәшмәһе барышында республикала дәүләт хеҙмәттәрен һанлаштырыу мәсьәләһе ҡаралды. Республиканың дәүләт идаралығының һанлы үҫеш министры вазифаһын башҡарыусы Денис Слепов хәбәр итеүенсә, 14 йәштән өлкән республика халҡының 75,5 проценттан ашыуы Берҙәм дәүләт хеҙмәттәре порталында иҫәпкә алыу яҙмаларына эйә. Бынан тыш, Башҡортостанда йәшәүселәр социаль, ер һәм төҙөлөш өлкәләрендә ғариза биреү өсөн төбәк дәүләт хеҙмәттәре порталын әүҙем файҙалана, улар араһында ер участкаһын биреүҙе алдан килешеү, планлаштырылған төҙөлөш тураһында белдереү ҡағыҙы һәм социаль пособиелар юллау айырыуса популяр. 2024 йылда республика порталына 500 меңдән ашыу кеше ингән. 2024 йылда социаль өлкәлә яңы һанлы ҡарарҙар ғәмәлгә ашырылды – “Дәүләт хеҙмәттәре” төбәк порталы аша “Һөт кухняһы” продукцияһын алыуға ғаризалар тултырыу сервисы индерелде. Шулай уҡ министрлыҡ республика Башлығының ишле ғаиләләрҙәге һәм МХО-ла ҡатнашыусыларҙың балалары өсөн ҡала автобустарында льготалы йөр