Бишкекте браконьерликке каршы күрөшүүдө активдүү катышкан егерьлерди сыйлоо аземи болуп өттү. Иш-чара 3-мартта Дүйнөлүк жаратылышты коргоо күнүнө карата уюштурулду.
🌿 Бишкекте браконьерликке каршы күрөшүүдө активдүү катышкан егерлер сыйланды.
🏞️ Бул иш-чара 3-мартта белгиленген Дүйнөлүк жаратылышты коргоо күнүнүн алдында уюштурулду жана аны Кар барстарын коргоо фонду, Табигый ресурстар, экология жана техникалык көзөмөл министрлиги, ошондой эле Элдик Банк колдоого алды.
🎤 Кар барстарын коргоо фондунун директору Кубанычбек Жумабай уулу иш-чараны ачып, кар барстарын сактоо маселесин көтөрүп, мыйзам бузуучуларды кармоодо егерлер туш болгон кыйынчылыктар тууралуу айтып берди.
🏅 Андан соң өлкөнүн корголуучу аймактарында браконьерлерди кармоого жардам берген мыкты егерлер сыйланды.
🎥 Иш-чаранын аягында “Егердин жашоосу” аттуу кыска метраждуу тасма көрсөтүлдү, анда өлкөбүздүн табигый мурастарын сактап калууга аракет кылган адамдар жана алардын туш болгон кыйынчылыктары жөнүндө баяндалат.