8 март – Халыҡ-ара ҡатын-ҡыҙҙар көнө уңайынан төркөмөбөҙҙә “Донъя биҙәге” тигән конкурс иғлан иттек. Унда республикабыҙҙың төрлө тарафтарынан, сит төбәктәрҙән әүҙем, уңышлы, эшлекле гүзәл заттарыбыҙ ҡатнаша. Яңауыл районының данын был конкурста Эльмира Мөхәмәтшина яҡлай. Яҡташтары уны рухлы, эшһөйәр, бар йәһәттән әүҙем кеше, шәп хеҙмәткәр һәм өлгөлө ғаиләнең уңған хужабикәһе булараҡ белә һәм хөрмәт итә. – Күп балалы ғаиләбеҙ менән ғорурланам. Тормошобоҙҙоң биҙәге һәм мәғәнәһе булып ҡыҙыбыҙ һәм өс улыбыҙ үҫеп килә. Беҙ сәйәхәт итергә яратабыҙ, әүҙем һәм сәләмәт тормош алып барабыҙ. Балаларыбыҙҙа Тыуған илгә һөйөү тәрбиәләүҙе, уларҙы ысын кешеләр итеп үҫтереүҙе маҡсат итеп алғанбыҙ, - ти Эльмира. Ул 13 йылдан ашыу урындағы телевидениела эшләй. Эштән буш ваҡытында ирекмәнлек менән шөғөлләнә. Эльмира Мөхәмәтшина – “Геройҙар өсөн тегәбеҙ. Яңауыл” ирекмәндәр хәрәкәтен ойоштороусы. – 2022 йылдың сентябренән МХО-лағы яугирҙәргә кәрәкле кейемдәр тегеү эшенә тотондом. Был хаҡта белеп, башҡа оҫта