Токмакта төрт жашар кызды уурдоого шектелген жаран кармалды. Шектүү жаран мурда соттолгон жана убактылуу кармоочу жайга камалды. Тергөөнүн жүрүшүндө кыздын апасы менен шектүү жарандын ортосундагы мамиле жана кызды уурдоо окуясы такталууда.
🔍 Токмак шаарында жашы жете элек баланы уурдоого шектелген адам кармалды.
👮♂️ 28-февраль күнү 22 жаштагы А.М. аттуу жаран милицияга 40 жаштагы А.Р. аттуу адам анын 4 жаштагы кызы Ж.А.ны уурдап кеткенин билдирген.
🚔 Бул окуя боюнча кылмыш иши козголуп, Токмак шаардык милициясы жана прокуратурасы тарабынан атайын оперативдик штаб түзүлүп, шектүү адамды кармоо боюнча чаралар көрүлдү.
🕵️♂️ Оперативдик-иликтөө иш-чараларынын жүрүшүндө Ж.А. жана шектүү А.Р. Токмак шаарынын четинде табылды. Шектүү мурда соттолгон А.Р. 1-мартта кармалып, убактылуу кармоочу жайга киргизилди.
📅 Тергөөнүн жүрүшүндө, шектүү жана А.М. 2024-жылдын февралынан октябрына чейин жарандык никеде жашаганы, ал эми кыз Ж.А. А.М.нын биринчи никесинен экени аныкталды. А.М. 2024-жылдын октябрында Россияга иштегени кетип, 2025-жылдын февралында кайтып келген.
🚗 28-февралда түнкү саат 23:30 чамасында, Токмактан Бишкекке бараткан жолдо, А.Р. кызганычтан улам А.М. менен урушуп, аны унаадан түшүрүп, кызын алып качып кеткен.
⚖️ Бул иш боюнча бардык керектүү соттук-медициналык экспертизалар дайындалып, тергөө иштери уланууда.