Кыргыз Республикасынын Жарандарын Чет өлкөлөрдө Иштетүү Борбору коопсуз жана мыйзамдуу ишке орношуу механизмдерин камсыз кылып, чет өлкөлөр менен өнөктөштүктү өнүктүрүүдө. 2025-жылдын башынан тартып жаңы келишимдер түзүлдү. 2024-жылы борбордун жардамы менен 4 293 жаран чет өлкөлөрдө ишке орношту. 197 жеке агенттик 29 өлкөдө ишке орноштурууну камсыз кылууда.
🇰🇬 Кыргыз Республикасынын Эмгек, социалдык камсыздоо жана миграция министрлигинин алдындагы Жарандарды чет өлкөлөрдө ишке орноштуруу борбору кыргызстандыктарга чет өлкөлүк эмгек рыногунда расмий ишке орношууга көмөк көрсөтөт.
🤝 Борбор бир катар мамлекеттер менен өнөктөштүк мамилелерди түзүп, ишке орноштуруу боюнча мыйзамдуу жана коопсуз механизмдерди камсыз кылып келет. Азыркы учурда Корея Республикасы, Россия Федерациясы, Улуу Британия, Казакстан Республикасы, Германия Федеративдик Республикасы жана Беларусь Республикасы менен кызматташтык жүргүзүлүүдө.
🌍 2025-жылдын башынан бери Словакия Республикасы, Түркия Республикасы, Италия Республикасы жана Япония мамлекети менен жаңы өнөктөштүк мамилелер түзүлүп, кызматташуу боюнча келишимдер түзүлдү.
📊 2024-жылы борбордун көмөгү менен чет өлкөлөрдө 4 293 кыргызстандык ишке орношту. Алардын ичинен Улуу Британияда 3 855, Корея Республикасында 421, Россия Федерациясында 13, Казакстан Республикасында 10 жана Германияда 7 жаран ишке орношту.
📑 Борбор Кыргыз Республикасынын мыйзамдарына ылайык жарандардын чет өлкөлөрдө ишке орношуусуна уруксат берүү чечимдерин кабыл алуу боюнча маанилүү функцияны аткарат.
🏢 2024-жылы жеке агенттиктер аркылуу 16 204 жаран ишке орношту, ал эми 2025-жылдын 26-февралына карата 1 064 талапкер ишке орношту.
🌐 Бүгүнкү күндө 197 жеке агенттик дүйнөнүн 29 өлкөсүндө кыргызстандыктарды ишке орноштуруу боюнча расмий кызмат көрсөтүп, эмгек миграциясынын мыйзамдуу жана коопсуз шарттарын камсыз кылууда. Борбор кызматташуу географиясын кеңейтүү, эмгек миграциясын жөнгө салуу механизмдерин өркүндөтүү жана кыргызстандыктардын укуктарын коргоо боюнча иштерди улантууда.