Популяр йырсы үҙенең сығыштарында һәм социаль селтәрҙәге битләүҙәрендә әленән-әле тәнҡитле һүҙҙәрен "семетеп" әйтеп ала. Тап ошо яғы менән күптәргә оҡшай ҙа инде йырсы Илһөйә Бәҙретдинова. Изге Рамаҙан айында түбәндәге яҙмаһы күптәрҙә ҡыҙыҡһыныу тыуҙырыр, төрлө фекерҙәр уятыр, уны һеҙгә лә тәҡдим итәбеҙ һәм фекер алышырға саҡырабыҙ. “Минең был посты “нимәгә кәрәкмәгәнде тырнай инде” тип ҡабул итмәгеҙ. Ысынлап та, ҡайһы бер нимәләрҙе аңламағанға яҙам. Бик сетерекле темаға ҡағылам... алдан уҡ әйтәм, бер кемде лә үпкәләтергә теләмәйем! Бер нисә ерҙә ҡорбан ашында булдым быйыл. Төрлө урында - төрлөсә йола... Бер ҡатын өҫтәлгә ҡуйылған ҡыяр менән помидорға бәйләнде. Имеш, был “закуска” дини байрам табынына ҡуйылырға тейеш түгел. Икенсеһе “мосолмандарға балыҡ ашарға ярамай”, ти... Cөнки ул салынмаған. Өсөнсөһө әйтеүенсә, өҫтәлдә бөтөн ризыҡ хәләл кибеттән алынған булырға тейеш. Ғөмүмән, аңлатығыҙ әле мин йүләргә, хәләл кибеттән алынған йомортҡа менән баҙарҙан алынғаны араһында ниндәй айырм