Якутияның кинолары сөөлгү чылдарда Россияда, безин делегейде алдаржып үнүп турар. 🤩 "Пугало", "Надо мною солнце не садится", "Агент Мамбо" – бо кинолар чоннуң чүрээн эжелеп, кинофестивальдарның шаңналдарын ап, кинотеатрларга долу залдарны чыып турар. 👍 Якуттарның чедиишкини бисти, тываларны, ханы боданырынче, олардан үлегер алырынче кыйгырып турар. 🤔
Якут кинозунуң чедиишкининиң дөзү чүдел?
- Киноларда якут чоннуң төөгүзү, культуразы, амыдыралы, ёзу-чаңчылдары, кайгамчык бойдузу көстүп келир. 🏞️ Якут дыл дыңналып, ырылары ырланып, национал хептери кеттинип турары бүгү делегейниң сонуургалын хайныктырып турар.
- Темалары чаа, солун, кижиниң сеткилин хөлзедир, бодалдарже киирер, уттундурбас демдекти арттырар. 🤯
- Якут кинонуң артында улуг, демниг команда бар. Олар шупту чаңгыс сорулга дээш кызып, бот-боттарынга дузалажып, тергиин шынарлыг киноларны бүдүрүп турарлар. 💪
- Якутияның Чазаа кино уран чүүлүн идекпейлиг деткип, акша-хөреңги-биле хандырып турары база улуг салдарлыг. 💸 Ындыг деткимче аныяк талантыларның өзүп-сайзыраарынга эң улуг идигни берип турар.
Тыва кино: Амгы үези болгаш бергедээшкиннер
Тываның кино уран чүүлү амгы үеде катап сайзырап, бурунгаар базымнарны кылып бар чыдар. 🎬 "Хемчиктиң сылдыстары" ышкаш чедиишкинниг киноларывыс база тургулаан. Ындыг-даа бол, якут кинонуң деңнелинге чедер дизе, ам-даа кылыр чүүлдеривис хөй.
Тыва кинонуң амгы байдалында дараазында бергедээшкиннерни демдеглеп болур:
- Акша-хөреңги чедишпези. Хөй кезиинде кино төлевилелдер акша-хөреңги чедишпезинден боттанмайн барып турар.
- Мергежилдиг кадрлар чедишпези. Режиссерлар, сценаристер, операторлар, актерлар, үн болгаш чырык техниктери чедишпейн турар.
- Техниктиг дерилгениң эргижирээни. Чаа, шынарлыг кино тырттырарда, амгы үениң техниказы херек.
- Маркетинг болгаш үүрмектел чедишпези. Белеткээн кино, видео-чогаалдарны көрүкчүге чедирери база чугула.
Тыва кинонуң келир үезинче базымнар:
Тыва кинону делегей деңнелинче үндүрер дизе, дараазында чүүлдерни кылыры чугула:
- Национал колоритти онзалаары: Тываның төөгүзүн, культуразын, ёзу-чаңчылдарын, бойдузун көргүскен темаларны шилиири. "Тыва дылым – алдын дылым" деп ышкаш, төрээн дылынга тураскааткан, ону кадагалап арттырар дугайында киноларны тырттырары.
- Аныяк таланттарны деткиири: Аныяк режиссерларга, сценаристерге, актерларга боттарын көргүзер арганы тургузары. Мергежил өөредилге черлеринге кино уран чүүлүнге өөредир салбырларны ажыдары.
- "Тыва кино" студиязын быжыктырары: Республикада кино бүдүрер төптү тургузуп, ону амгы үениң техниказы-биле хандырары. Бойдустун чараш чурумалынга немей, харылзажыр бай оран-сава херек.
- Кинофестивальдар эрттирери: Тывага кинофестивальдар эрттирип, тыва киноларны российжи болгаш делегей чергелиг кинофестивальдарга кииштирери.
- Грантылар системазын ажыглаары: Республиканың болгаш Россияның грантыларынче төлевилелдерни киириштирип, акша-хөреңгини тыва киноже хаара тудары. Чижээ кылдыр, бо чоокта чаа Тыва Республиканың Баштыңының грантызын тыва дылын кадагалап арттырарынче углан-дырган. Бо угланыышкын таварыштыр мергежилдиг улуг салбыр (продюсер, чогаалчы, сценарист...) тыптып болур
- Күрүне болгаш хуу сектор-биле кады ажылдажылга: Федералдыг, регион деңнелинде күрүне деткимчезин чедип алыры, хуу компанияларны, меценаттарны тыва киноже хаара тудары.
Түңнел
Тыва кинонуң келир үези бар! Ону чедип алыр дизе, якуттарның чижээнден өөренип, национал онзагайывысты ажыглап, демниг ажылдап, күрүне болгаш хуу секторнуң деткимчезин чедип алыры чугула. "Саха фильм" биске үлегер болзун, "Тыва фильм" келир үеде бүгү делегейге алдаржыыр болзунам! ✊