Шаран районының Мишәр ауылында яңы фельдшер-акушерлыҡ пункты асылды. Быйылдан медицина учреждениеларын төҙөү һәм йыһазландырыу “Оҙайлы һәм әүҙем тормош” милли проектының тәүге звеноны яңыртыу программаһына ярашлы башҡарыла. Элекке фельдшер-акушерлыҡ пункты 1996 йылда төҙөлгән иҫке бинала урынлашҡан булған. Яңы медицина учреждениеһы заманса талаптарға һәм стандарттарға ярашлы төҙөлгән. Ул халыҡҡа сифатлы медицина ярҙамы күрһәтеү һәм медицина хеҙмәткәрҙәренә уңайлы шарттар тыуҙырыу өсөн тейешле ҡорамалдар менән тәьмин ителгән. Медицина пунктында фельдшер, процедура, пациенттарҙы ҡабул итеү кабинеттары, дарыуҙарҙы һаҡлау бүлмәһе булдырылған. Өлкәндәр һәм аҙ хәрәкәтләнеүсән кешеләр өсөн пандус ҡуйылған. –Ауылдаштар яңы бина төҙөлөүенә сикһеҙ шатлана, сөнки йортҡа яҡын урында диспансерлаштырыу үтергә, вакцина яһатырға һәм тәүге медик-санитар ярҙам алырға мөмкин. Бөтәһе 132 кешене хеҙмәтләндерәсәкмен, – ти фельдшер Гүзәл Шуматбаева. Ул медицина тармағында 37 йылдан ашыу эшләй. Яңы “Оҙайлы һ